oft þarf bara einn hlut...

verð að viðurkenna að fyrir helgi fannst mér ég föst í einhverskonar hringiðu verkefnisins míns... fannst ég algjörlega ófær um að finna "rétta" leið útúr þessari hringavitleysu minni...
og svo kom helgin með allri sinni dýrð... föstudagskvöldinu eyddi ég í góðum félagskap heimildanna minna og tölvunnar... tókst að koma frá mér hluta af samansafni upplýsinga í heilanum á mér á ritað form... og það sem meira er, skilgreina í huganum hvað það er sem ég er ekki að fatta...
laugardagskvöldinu eyddi ég svo með elínu yfir góðum mat, rauðvíni, coca cola og ís... skemmtilegar umræður um heimsmálin, persónumálin, skólamálin, framtíðina og allt í fortíðinni sem við höfðum ekki náð að ræða til hlítar, krydduðu svo þessa frábæru stemningu...
vaknaði svo í morgun við sms-skilaboð sem sögðu mér að maturinn yrði tilbúin klukkan 13 og inn um gluggan teygðu sig nokkrir sólargeislar... það er bara ekki hægt að hugsa sér betri leið til að vakna ;) eftir sturtu, skúringar og smá þvotta, kaffibolla og foreldraspjall hjólaði ég af stað í reunion-lunch með mathematical modelling bekkjarfélögunum... yfir alvöru-kínverksum ræddi ég svo við samnemendur mína um project-vinnuna... sum að drífa sig að klára meðan hin bara svona að reyna að finna flöt á rólegheitunum... the jamica-man útskýrði fyrir okkur spillinguna á jamica á MJÖG kómískann hátt... lei var með mynda slide-show úr kína heimferðinni í janúar og sagði okkur sögu kína um leið, en varð að fá hjálp frá indverjanum til að útskýra búddahofin sem hún heimsótti... aleksandra sagði frá kommúnismanum, sem við vorum öll sammála um að væri falleg hugmynd sem eyðilegst alltaf í spillingunni (og um leið blandaðis hin kómíska jamica spilling inní sem varð að frekar fyndnum leikþætti)... þjóðverjanum (og reyndar öllum hinum) fannst danir lokaðari en þjóðverjar en daninn var á önverðu meiði... mexicaninn þurfti svo að fara snemma til að hjálpa norðmanninum með rúmið sem spánverjinn á kampsax ætlar að arfleiða honum...pólverjinn sendi svo fyndnustu skilaboð í heimi um að hann kæmist ekki í matarboðið... þetta var eins international og hægt var og umræðurnar voru svo marglitaðar að þær uðru bara að einni stórri svartri klessu ;)
og nú sit ég endurnærð eftir stórkostlega helgi... hélt reyndar að ég myndi deyja úr kulda á hjólinu á leiðinni heim... hvar er sumarið???? en ég er samt sem áður tilbúin fyrir næstu vinnuviku... svona eiga helgar að vera!!!
oft þarf bara einn hlut... maður er manns gaman... lífið hálf litlaust án vina...

Staðal-lífið...

Var að velta fyrir mér þessari svokölluðu "beinu braut" í lífinu. Þetta er brautin sem er laus við skrítnar ákvarðanir, óskiljanleg viðhorf og óendurkræf mistök. Með því að halda sig á þessari braut er okkur gefið í skyn að við verðum miklu hamingjusamari en hin sem finna sér hliðargötur með "hættulegum" gylliboðum. Þessar hliðargötur eru nefnilega stundum botnlangar sem erfitt er að rata út úr. Í öðrum tilfellum eru þarna hringtorg sem gera okkur svo ringluð að þegar inn er komið förum við oft út á vitlausum stað, förum jafnvel út á sama stað og við komum inn og örkum af stað í vitlausa átt. En hvert liggur þessi beina braut sem er svo mikið kappsmál að halda sér á? Er þetta ekki bara einhver hraðbraut sem liggur ekki neitt heldur eru flestir þar og því er best að gera bara eins og hin?
Ég hef oft farið útaf þessari hraðbraut lífsins og ratað inní allskyns ógöngur. Oft þurft að klífa fjöll og fyrnindi til að komast til baka. En einhvernvegin hef ég alltaf komist til baka. Og af einhverjum ástæðum finn ég mér alltaf nýjar hliðargötur til að fara inní. Til dæmis voru margir farnir að efast um kímnigáfur mínar þegar ég fór, að þeirra mati, alltof marga hringi í hringtorgi námsvals hér í den. Ég man samt þegar ég og vinkonurnar vorum á rúntinum og keyrðum stundum ansi marga hringi í hringtorgum bæjarins áður en hláturtaugarnar voru búnar að titra nóg.
Hef tekið eftir því að eftir öll þessi ferðalög mín útaf beinu brautinni stoppa margir þegar ég kem til baka og hlusta með miklum áhuga á allt sem á vegi mínum varð. Þau sem héldu sér á beinu brautinni misstu nefnilega af öllum hlátrinum í hringtorginu. Þau misstu líka af útsýninu á fjallstindinum. Er þá beina brautin hin eina rétta leið í gegnum lífið?
Það er frekar óljóst hvert brautin liggur, og hvort hún liggi yfirhöfuð eitthvert. Því er spurning hvort það sé ekki betra að keyra á "vinstrustu" akgrein hraðbrautarinnar og skoða vel það sem á veginum verður á þessari óþekktu leið. Jafnvel beygja útaf einstöku sinnum og borða nesti eða jafnvel bara kasta vatni.
Ég er allavega Rauðhettutýpan sem fer útaf göngustígnum til að skoða fallegu blómin.

Staðreyndir sem gott er að vita

Ef þú myndir öskra í 8 ár 7 mánuði og 6 daga myndir þú búa til næga
orku til að hita 1 kaffibolla.
Mér sýnist varla taka því)


Ef þú myndir reka við stanslaust í 6 ár 9 mánuði myndast gas sem
jafngildir krafti atómsprengju.
Þetta er betra)

Fullnæging svína stendur í 30 mínútur.
Í næsta lífi vil ég vera svín)
Hvernig finna menn þetta út og afhverju !!!.


Ef þú lemur hausnum við vegg brennir þú 150 hitaeiningum á klukkutíma.
ég er ekki enn búin að komast yfir þetta með svínin og ekki prufa
þetta með hausinn heima,,, kannski í vinnunni)


Menn og höfrungar eru einu tegundirnar sem stunda kynlíf sér til
skemmtunar.
(Nú vitum við af hverju Flipper er alltaf svona glaður) (og svín fá 30
mínútna fullnægingar) ( virðist ekki sanngjarnt)

Sterkasti vöðvin í líkamanum er tungan.
(Hmmmmmmmmm........)

Rétthent fólk lifir að meðaltali 9 árum lengur en örvhentir.
(ef þú ert jafnvígur á báða deilir maður þá með 2?)

Maurar geta lyft 50 faldri þyngd sinni,togað 30 falda þyngd sína og
þeir falla alltaf á hægri hliðina þegar þeir verða drukknir.
(Eftir að hafa drukkið litlar flöskur af...??) (greiddu
skattgreiðendur fyrir þessa rannsókn)

(og hvað með það þótt svín fái 30 mínútna fullnægingar!)

Ísbirnir eru örvhentir.
(hver vissi það..?Hverjum er ekki sama...?hvernig fundu menn það út,
spurðu þá? - og táknar það að þeir lifa skemur?)


Leirgedda (það er fiskur) er með 27,000 bragðkirtla.
(hvað í ósköpunum getur verið svona bragðgott neðst í vatninu)

Flóin getur stokkið 350 falda lengd sína, það svipað og maðurinn
stökkvi yfir fótboltavöll.
(30 mínútur ímyndaðu þér og af hverju svín)

Kakkalakki getur lifað í 9 daga án höfuðs áður enn hann sveltur til
bana.
(Creepy)

Sum ljón eðla sig 50 sinnum á dag
(ég vill samt verða svín í næst lífi .. gæði fram yfir magn...)

Fiðrildi eru með braglaukana á fótunum
(ojjjjjjj)
(það er næstum eins slæmt og leirgeddan)

Auga strútsins er stærra en heilinn
(Ég þekki svoleiðis fólk.)

Krossfiskar hafa engan heila.
(Ég þekki líka svoleiðis fólk.)

Eftir að hafa lesið þetta er það eina sem ég get sagt er svín eru
heppin.

stafirnir

Ég er svo mikið að skrifa að ég hef ekki undan að hanga á netinu... muhahahaha... fann þetta á bloggvafri mínu (sem by the way er frekar furðulegt, ég er að fylgjast með blogsíðum hjá fólki sem ég hef aldrei hitt, hvað er það???)
jæja en here it is

A-damn good in bed
B-You are always fun when it comes to meeting new people.
C- your wild and crazy
D- you have trouble trusting people
E-you're popular
F-People totally adore you
G-Love is something you deeply believe in.
H-You have very good personality and looks.
I-Love is something you deeply believe in.
J-Everyone loves you.
K- You like to try new things
L-You have a nice ass ;-)
M-You work hard for success.
N-you are one of the best in bed
O-Your very pretty
P-You are popular with all types of people.
Q-You are a hypocrite.
R-You are very hot and sexy!
S-People think you are so sexy.
T-you areVERY WARM HEARTD
U-You are really chill.
V-You are not judgemental.
W-You are very broad minded.
X- You never let ppl tell u wat to do
Y- you are one of the hardest niggas alive
Z-You're Super cool.

og svo fyrir mig

S-People think you are so sexy... oh I am so sexy ;)
T-you are VERY WARM HEARTD... einmitt einmitt
E-you're popular... vissi það ekki, en veit það núna!!!
I-Love is something you deeply believe in... ég er virkilega að vinna í þessu!!!
N-you are one of the best in bed... ó já!!!
U-You are really chill... ég æsi mig sjaldan, sko
N-you are one of the best in bed... bara til að hafa það á hreinu
N-you are one of the best in bed... já alveg á 100% tæru, hehehehehe

D- you have trouble trusting people... I KNOW
O-Your very pretty... smile smile smile, i am so pretty, oh so pretty tralla tralla
G-Love is something you deeply believe in...enn í vinnslu
G-Love is something you deeply believe in...but will soon become true :)
gaman að þessu, elín gerð þú núna!!! (þetta er skipun)

vorið...

í gær þar sem ég sat við skriftir heyrði ég kunnulegt hljóð utan úr garði... ég var ekki alveg að átta mig á hvaða hljóð þetta var svo ég hljóp út í glugga... og viti menn og konur, börn og öll hin dýrin... það var verið að slá garðinn... mér þótti þetta frekar merkilegt, sérstaklega í ljósi þess að það er ennþá smá snjór eftir á túnunum hér í kring... ég gaf mér því smá tíma til að fylgjast með þessum slætti og sjá hvernig unnið yrði í kringum snjóinn... og auðvita var bara slegið í kringum snjóskaflana... ég gat ekki annað en hlegið... hló svo mikið að ég gleymdi alveg að taka mynd af þessu athæfi... ég get líka heldur ekki séð að það sé komið gras til að slá... en þetta hefur verið svona í staðin fyrir sinubruna... ég er barasta alltaf að sjá eitthvað nýtt.

strákarnir...

Litli bróðir minn er gull af drengi... hann heitir Auðun (já með einu n) en er oft kallaður AU eins og gull í lotukerfinu... enda gull eins og ég var búin að segja...
Um helgina hringdi hann í mig til að láta mig vita að m og p væru að mála stofuna heima... hvernig á litinn spurði ég..." bara í takt við aldurinn" svaraði hann... nú sagði ég... " jú fyrst var stofan gul... næst varð hún hvít... og nú er hún grá... þetta endar bara í svartnætti..." og svo hló hann eins og vitleysingur...
Hann er ekki nema 13 ára... en með svona fullorðins húmor enda lang lang yngstur og á svona há-fullorðna foreldra...
Ég get nú ekki alveg sagt að ég sé ekki dekruð... en AU-ið er fjór-dekraður... foreldrarnir og systkynin... en hann er nú kannski um leið fjór-uppalinn ;)... svo það er nú ekkert nema gott um hann að segja.
Var að fara í gegnum my received files þar sem allt sem kemur í gengum msn-ið lendir... flestir filarnir þar inni voru myndir eða listar yfir það sem AU-inu bráðvantar... hann er nefnilega snillingur í að snúa fullorðna fólkinu í kringum sig á sitt band með ótrúlegum röksemdarfærslum á af hverju það eigi að eyða síðustu krónunum í þessar "nauðsynjar"... ef eitt segir nei snýr hann sér bara að næsta... hann er snillingur...
Restin var svo myndir af listaverkum eftir auðun og tónlist frá stóra/litla bróður... en steinarr (já með tveimur r-um) "stóri bró" er náttúrulega líka gull af manni... þrátt fyrir að hafa sjaldan verið kyrr í æsku er steinarr einn af rólegri mönnum sem ég þekki í dag... miðað við steinarr sem barn má eiginlega segja að það renni varla í honum blóðið í dag...
Það er til myndband af okkur systkynunum að setja saman rennibraut í garðinum heima... ég er svona 15 og steinarr svona 9... ég er á fullu að tala í símann en tekst um leið að koma rennibrautinni saman... á meðan hleypur steinarr um garðinn og færir rennibrautar-hlutana til án þess að setja rennibrautina neitt saman... svo uppúr þurru stoppar drengurinn og öskrar NEVER!!! og hleypur svo af stað aftur... allan tíman er svo AU-ið, rétt rúmlega 1 árs að væflast í kringum okkur... reynir að hlaupa jafn hratt og steinarr og þegar það gengur ekki reynir hann að vera mér hjálpsamur... myndbandið endar svo þegar rennibrautin er fullkláruð og eldri syskynin leyfa yngsta gripnum að "prufukeyra" rennibrautina... það vill ekki betur til en að unginn slasar sig lítillega við það... og það slokknar á myndavélinni þeger "öldungarnir" hjúfra að sér ungann til að reyna að hugga hann...það kviknar reyndar aftur á vélinni stuttu seinna og þá sjást öll systkynin brosandi sæl með ís að prufa kúnstir í rennibrautinni... góðar minningar!!!
Jæja en ég hlakka endalaust mikið til að fá bræður mína í heimsókn um páskana... og auðvita m og p því án þeirra værum við ekki ;)... við erum sko ávextir ástar þeirra :) Sakna þeirra allra oft í hversdagsleikanum hér... en þá ber hugurinn minn mig hálfa leið til þeirra, eða allavegana á vit minninganna :)



auðun að vekja mig eftir að ég hafði sofnað yfir sjónvarpinu...



Steinarr með bjór í annarri ;), og andir vinur hans

hahahahahahaha....

Endur fyrir löngu, í landi langt langt í burtu, rakst falleg, sjálfstæð og
sjálfsörugg prinsessa á frosk þar sem hún sat og velti vöngum yfir
vistfræðilegum álitamálum við bakka ómengaðrar tjarnar á fagurgrænu engi nálægt
kastalanum sínum.

Froskurinn stökk upp í kjöltu prinsessunnar og sagði: Fagra frú, ég var eitt
sinn gjörvilegur prins en grimm norn lagði á mig álög. Ef þú smellir á mig einum
kossi mun ég aftur verða að þeim snotra prinsi sem ég raunverulega er.

Þá getum við, mín kæra, gifst og stofnað heimili í kastalanum þínum. Þú getur
framreitt málsverði fyrir mig, þvegið klæði mín, alið börnin mín og fundið til
þakklætis og hamingju um alla eilífð.

Sama kvöld sat prinsessan yfir málsverði sínum - léttsteiktum froskalöppum
- og hló lágt með sjálfri sér: Ég held nú fokking síður!

Alltaf stuð í Kaupmannahöfn....

Jú jú, hér er sko endalaust hægt að tjútta. Alltaf svo magir stuð-valmöguleikar í boði. Núna á föstudagskvöldið er til dæmis félagsvist í Jónshúsi!!! Eru ekki margir stuðboltar sem langar að mæta í vistina?

Svo skora ég hér með á Steinunni í kökuáts-keppni á messukaffinu á sunnudaginn....

fyrir mömmu...

ég var löngu löngu búin að lofa að setja inn myndir af "íbúðinni" minni fyrir hana mömmu mína... en loksins fann ég mér tíma til að klára það dæmi... það er ótrúlegt hvað hægt er að finna sér tíma til að gera skrítna hluti þegar "það sem þarf að gera" bunkinn er alveg óendanlega stór...well... en þú getur fundið myndirar hér... passwordið er nafnið hennar mormor ;)

Það náðist mynd af þeim saman...

þegar þau sáu ekki til smellti ég mynd af nýju samleigjendunum ;) Eru þau ekki sæt saman?

Þorrablótið



Steinunn og Elín... í glasi ;)

Það er alveg svona gaman á kampsax-barnum...





gaman að þessu :) er í óðaönn að finna svipaða mynd að hinu kampsax-dýrinu (röggu)

það má ekki skilja útundan....???

Ég þjáist af sjúkdómi sem lýsir sér í óstjórnandi hláturskötum... ragga og ylfa eiga við sama vandamál að stríða... í gærkvöldi vorum við þrjár saman á leiðinni heim með s-toginu... þessi sjúkdómur okkar leiddi til þess að ung stúlka sá sér ekki annað fært en að standa upp og finna sér annan stað fjarri okkur til að bíða eftir lestinni... samferðafólk okkar í lestinni sjálfri átti svo erfitt með að smitast ekki af þessum "leiðinda" sjúkdómi... erfitt þegar kona hefur enga stjórn á hlátrinum... (NB! það skildi enginn neitt hvað við vorum að segja...hláturinn er bara svo smitandi...svo passið ykkur!!!)
Ragga reyndi svo að taka alvarleikann á þetta og sagði okkur frá stúlku einhversstaðar in a galaxi far far away sem er með mjög sjaldgjæfan sjúkdóm sem lýsir sér þannig að hún hefur svo litla stjórn á hlátrinum að hún á það á hættu að geta bókstaflega dáið úr hlátri "þið vitið í alvöru dáið!!!"... "vá hvað hún hlýtur þá að þurfa að lifa alvarlegu lífi"... og um leið og þessi setning hafði verið sögð hurfum við allar á vit hlátra-sjúkdómsins alvarlega... stuttu seinna hélt ragga svo áfram sögunni og sagði okkur frá því þegar hún heyrði þessa sögu í fyrsta sinn í dönskutíma, back in the young old-days... verandi með þennan hláturssjúkdóm gat hún ekki annað en hlegið af sögunni og þegar hún loksins gat komið upp orði í öllum hlátrinum tókst henni að ropa uppúr sér "hjálp,hjálp, ég er að deyja úr hlátri" og gat svo ekki hætt að hlægja í þónokkurn tíma eftir það... já það verður að taka svona hlátursköst alvarlega þvi þau geta auðveldlega leitt til meiðsla... sjáið þið bara mig ;)
Vorum annars á leiðinni heim af frábærum Eivarar tónleikum... það er erfitt að lýsa tónleikum með orðum... en ein af okkur kom með kannski bestu lýsinguna á leiðinni heim "ég var með rað-gæsahúð alla tónleikana"...já svo góðir voru tónleikarnir ;)

Jæja, en hláturinn lengir lífið... og í öllum alvarleikanum má auðveldlega gefa sér tíma til að hlægja í tómi hversdagsleikans... það eru nefnilega oftast litlu hlutirnir sem kitla hláturtaugarnar ;)
Og svona til að dissa valentínusardaginn held ég að það sama megi segja um rómantíkina... hún lengir lífið... og í öllum alvarleikanum má auðveldlega gefa sér tíma til að rómantískast í tómi hversdagsleikans... það eru nefnilega oftast litlu hlutirnir sem skilja eftir sig stærstu sporin í hjartanu ;)
Ég væri allavegana í mjög vondum málum ef ég þyrfti að nota EINN dag á ári til að hlæja... restin af árinu þyrfti ég þá að berjast við að bæla niður hlátur...

Ég ætla nú að eyða rómantísku kvöldi með tölvunni minni og bókunum... skoða svo nokkrar myndir af "óförum" seinustu helgar (í tölvunni) og hlæja dátt... rosalega á ég eftir að verða gömul...og allir saman nú: "hahahahahahahahahahahahaha"

ég get náttúrlega orðið nákvæmlega það sem ég vil!!!

You scored as Chemistry. You should be a Chemistry major! As if that isnt clear enough, you are deeply passionate about Chemistry, and every single chemical reaction and concept fascinates you. Pursue that! Chemistry 100% Mathematics 100% English 100% Engineering 100% Journalism 100% Philosophy 92% Dance 92% Biology 92% Linguistics 75% Anthropology 67% Sociology 67% Psychology 58% Theater 58% Art 42% What is your Perfect Major? (PLEASE RATE ME!!<3) created with QuizFarm.com

En ég er á réttri braut í lífinu það er á hreinu... efnafræði + stærðfræði + verkfræði = EFNAVERKFRÆÐI... fjölmiðlakona er náttúrulega vegna þess að ég verð að gefa út verk mín til að þau hafi áhrif á lífið á jörðinni :) Svo má náttúrulega auðveldlega lesa bruggaragráðuna sem ég ætla að næla mér í í framtíðinni útúr þessu líka... það þarf nefnilega að vera með master í efnaverkfræði eða noget lignende til að taka bruggarann ;)

er það ekki bara málið????

ég er SVO orðheppinn!!! í dag tókst mér að koma því að að "no no no I dont have a lot of money BUT I WILL ALWAYS HAVE IN ME AND ON!!!" þessi frábæra íslenska leið að segjast hafa í sig og á er frekar perraleg á ensku... stuttu eftir þessa yfirlýsingu hnerraði masood og ég sagði "god bless you"... hann horfði frekar hissa á mig og spurði hvað ég hefði verið að segja... hálf hrædd við útí hvaða umræður þessi kurteisi myndi leiða mig útskýrði ég fyrir honum að þetta væri bara venja að segja eftir hnerr... honum þótti þetta bara merkilegt og spurði hverrar trúar ég væri (hér er ekki málið að spyrja hverra manna kona er, meira spurt um hverrar trúar kona er)... ekki kaþólks heldur hitt, but I was blóting yesterday... úffa úffa mía... endaði á að koma með lýsingu á blóti og the man that in the year 1000 went under a blanket and desiced that we (icelanders) could say we were christian but but would blóta í laun and we are still doing it...
ákvað bara að halda mig inní herbergi í dag og segja sem minnst það sem eftir er dags... núna er ég að reyna að velja á milli þess að fá mér kebab í kvöldmat eða pizzu... ákvörðunin er erfið og ég hugsa ég endi bara á að fá mér kebab-pizzu :) Buxurnar mínar hafa allar stækkað í þvotti uppá síðkastið og því er málið að borða meira og tala minna til að halda í fataskápinn :)
Blótið í gær var annars hin frábærasta skemmtun... þegar ég var búin að borða svo mikið að ég átti erfitt með að kyngja seinasta bitanum ákvað ég að troða nokkrum flatkökusneiðum í gulltöskuna mínu flottu til að eiga í morgunmat... ískápurinn minn er náttúrulega alveg galtómur eins og venjulega svo það var ljúft að finna flatkökurnar í morgun ;)
Hin kaldhæðna leið íslendinga til að tjá sig misfórst rosalega hjá mér í gær og Oliver greyið alveg miður sín eftir stutt símasamtal við mig í gærkvöldi... símtalið átti sér stað stuttu eftir að ég gerðist hjónabandsráðgjafi á kvennaklósettinu (ÉG AF ÖLLUM!!!!) skil ekki hvernig ég kem mér endalaust í einhverskonar ráðgjafastól... sést það ekki utan á mér að ég get ekki fundið nein ráð fyrir sjálfa mig hvað þá aðra... ég hlusta bara of mikið... jæja jæja en ég tjáði mig bara í símann eins og óliver væri alveg inní hvað væri í gangi á kvennaklósettinu og hann skildi ekki neitt hvað ég var að fara en ákvað að skilja bara allt þveröfugt... gaman að þessu!!!
Miður mín yfir galtómum ískápnum heima kom ég við á MacDonalds á leiðinni heim og náði að borða FJÓRA ostborgara... fékk þá nefnilega á tilboði... og ég borða ekki einu sinni MacDonalds... Elín... Mac-borgar eru nefnilega algjör viðbjóður, ég var einmitt að lesa grein um óhollustu þeirra :) :) :)
Jæja en tala helgarinnar er pottþétt 18 ;) Sluss-drykkirnir á kampsax barnum eru þokkalega Óáfengir. Íþróttameiðsl eru kúl. Ég er aldrei eðlilega á myndum og er því komin í myndavélafrí!!! Ég hef ákveðið að ég ætli að halda með Ferrari í formúlunni hér eftir :)
Já helgin var viðburðarík en nú tekur við lærdómsmaraþon svo ekki reyna að plata mig í neina vitleysu... ég tek ekki þátt í svoleiðislöguðu... nema eivarar tónleikunum á þriðjudaginn... svo er ég farin á langa ráðstefnu :)
Ætla að fara og fá mér í gogginn...see you ;)

fuglasöngur...

Vaknaði við fuglasöng í morgun... vaknaði eiginlega alltof snemma (í fyrsta sinn í LANGAN tíma) þar sem þorrablót íslendingafélagsins í köben er í kvöld og því nausynlegt að vera hress eitthvað frameftir... er á mörkum þess að vera fullfrísk og hálffrísk... þoli ekki slappleika!!! Jæja en fyrsti vormorgun sem ég vakna við fuglasöng er alltaf svo ljúfur... það er kannski ekki alveg komið vor hér í danaveldinu, en snjórinn er að hverfa og sólin farin að skína meirihluta dagsins svo vorið er komið á sálina... ekkert nema gott um það að segja :) MogP líka búin að kaupa sér flugmiða til mín yfir páskana og ég get bara ekki hætt að brosa yfir þeim gleðifréttum... svo í kringum mitt ljúfa sólksinsbros :) má því auðveldlega finna vorið þessa dagana :) :) :)
Lei og Aleksandra komu líka báðar "heim" í vikunni... hring hversdagsleikans hefur því loksins verið lokað aftur eftir jólafríið... það er alltaf svo gott að tala við vini um sameiginlega ringulreið... erum allar að gera verkefni á þessari önn og allar jafn týndar í þessu skrifstofu dæmi... erfitt að tileinka sér viðveru á annars ágætri skrifstofu þegar lífið seinustu ár hefur að mestu verið eitt á bókasöfnum eða öryggi skrifborðsins heima... jæja jæja en þetta hlýtur að fara að venjast...
Aleksandra ætlar líka að taka einn kúrs í umhverfisdeildinni... hennar kúrs er um water-resources svo það eiga eftir að skapast mjög fjörugar og skemmtilegar umræður á þessari önn... þá sérstaklega með elínu sem tekur umhverfisdæmið frá öðru sjónarmiði með sama markmið að leiðarljósi... vá hvað við eigum allar eftir að bjarga heiminum :)
Ég tala annars ekkert tungumál þessa dagana... enskan í rugli, danskan bara týnd og ég veit ekki hvernig íslenskan hljómar lengur... mér finnst til dæmis drullu erfitt að blogga... formlega segist ég tala færeysku en Rói (færeyski sambýlingurinn) getur ómögulega verið sammála mér... alveg sama hvað ég SEGI honum að ég sé í alvöru að tala færeysku... hann bara kannast ekki við þetta mál sem ég er að tala... ég held að það sé bara of langt síðan hann hefur verið í færeyjum :)
Ætla að klára synthesis kaflann fyrir kvöldið svo það er eins gott að koma sér að verki... segi því bara OVER AND OUT í bili..

ekki fréttir

Vá hvað heimurinn getur verið þreytandi mikið karllægur!!! Ég er hún snillingur, hún stúdent, verðandi hún verkfræðingur, aðallega þó hún konan. Skrítið að það er erfitt að finnast kona passa inn?????

Ég þjáist af ritstíflu... eða ég held að ritstífla sé rétta orðið yfir ástand mitt þessa dagana... ég get samt sem áður skrifað eitthvað svona bullumsull... en mér er gjörsamelga ómögulegt að koma niður á blað þeim hluta verkefnisins sem er tilbúin í heilanum á mér... þetta er erfitt líf..
Mér er annars orðið ljóst að ég er bókaormur... hugsa að það færi mér rosalega vel að vera bókasafnsvörður (bókasafnsvarða???, hvað er kvennkyns orðið fyrir bókasafnsvörð???)... Ég er seinustu vikurnar búin að vera að lesa um allt og ekkert... gjörsamlega búin að týna mér í bókaflóðinu á bókasafninu... og eftir lokunartíma þvílíkt hrifin, nei ástfangin held ég að sé meira viðeigandi, af öllum þessu rafrænu skjölum (bókum) sem ég get grúskað í í tölvunni heima... en til að hafa áhrif á framgang heimsins verður kona að koma einhverju niður á blað.... úff úff úff... það er mikið lagt á snillingínur (nýyrði fyrir konur :))

Launamunur kynjanna innan verkfræðistéttarinnar er innan skekkjumarka. Skrítið hvað skekkjumörkin verða rosalega ROSALEGA miklu stærri þegar talað er um launamun kynjanna. Ef tekið er tillit til snjóflóðahættu á súðavík og flateyri, jarðskjálftavirkni á suðurlandinu og fjölda karlmanna á þingi má auðveldlega draga 10% frá launamuninum og þá er þetta allt saman innan skekkjumarka... þvílíka bullið!!!
Ég er í óðaönn að sækja um nýjan ríkisborgarrétt á íslandi undir nafninu SteinnÁstar Daggarson. Ætla svo að klippa hárið á mér stutt áður en ég kem heim, líma niður brjóstin, ganga um í víðum fötum svo mjóa mittið sjáist ekki og troða svo sokkum í nærbuxurnar. Mæta svo í atvinnuviðtal með glenntar fætur og vonast til að mikið magn af sokkum gefi í skyn hugvit mikið... Ári seinna ætla ég svo að skilja dulagervið eftir heima og segja “hahahahaha ég var með píku allan tímann”.
Ok ég geri mér grein fyrir að þetta er ekki rétta aðferðin... en stundum verður kona bara svo pirruð... en sem betur fer eru fleiri með jöfnum launum kynjana en ekki svo það er bara spurning um að sýna samstöðu um að breyta þessu...
Fyndið samt að þrátt fyrir að í skýrslunni sem ég var að lesa um launamun kynjanna innan verkfræðistéttarinnar hafi niðurstaðan verið að munurinn væri innan skekkjumarka, þótti viðeigandi að enda á því að segja að það þyrfti að sýna samstöðu til að eyða þessum mun. Það er eins og fólk sé ekki til í að viðurkenna upphátt muninn en allir vilja vinna að því að losna við þennan “ekki” mun....bla bla bla

Fæ mikið af áhyggju e-mailum að heiman þessa dagana... “er ekki allt að verða vitlaust þarna í danaveldi útaf myndunum góðu/vondu?” Í mínu umhverfi gengur allt áfram í sínum hægagangi (eins og venjulega). Hádegisfréttirnar taka þó aðeins meira pláss en venjulega inná eldhúsi og skapast frekar skemmtilegar umræður í kringum þær. Danirnir skilja ekki “öfga-danina” og múslimarnir skilja ekki “öfga-múslimana” og allir bara vinir... öll dýrin í skóginum eiga að vera vinir... “hvað er fólk að hugsa” er algengasta kommentið yfir fréttunum.
Skiptum yfir á MTV eftir hádegisfréttirnar í dag og þar var verið að spila nýja lagið (held það sé nýjasta lagið þó ég hafi ekki hugmynd um það) hennar PINK. Vá hvað það er fyndið... ég táraðist af hlátri og það gerðu strákarnir líka... þeim var þó mikið í mun að hafa það á hreinu að, hvað hún nú heitir, Beyonce (fann nafnið á mbl) er sko alls ekki svona gella sem PINK er að gera grín af. Mér fannst þær umræður líka svo fyndnar en passaði mig að hlægja ekki upphátt...en mæli með að horfa á myndbandið, minnir að lagið heiti stupid girl eða eitthvað í þá áttina...
Annars er lítið talað um annað en íslenska þorrablótið innan íslendingahópsins... hvað ætli múslimarnir segðu ef þau vissu af heiðinni athöfn í miðbæ kaupmannahafnar????

Annars er ég rosa upptekin af kemísku efnunum í umhverfinu þessa dagana og var svo glöð að sjá að Ylfa er sko með tré klósettsetu heima hjá sér... pissaði miklu betur fyrir vikið :)... ekki eitthvað stórhættulegt plast eins og heima hjá mér... Ylfa gat verið sammála um þægindi klósettsetunnar en sagðist finnast klósettið sitt ljótt og er að pæla í að rífa það og setja nýtt... flísaleggja baðið í leiðinni og skipta um vask og sturtu... og fyrst hún er nú að þessu skipta algjörlega um eldhús og jafnvel færa það uppá efrihæðina... og ég jarmaði í takt.... og úr varð eitt af þessum óstjórnlausu hlátursköstum... skiljum nefnilega hvorugar svona flísa-tal og gerum engann greinamun á fallegu og ljótu klósetti... mér finnst ég vera komin rosalega hátt í virðingastiganum að vera sko með mitt eigið baðherbergi og Ylfa yfir sig hamingjusöm með að vera með tekökken...
Jæja en sem betur fer eru ekki allar kindur eins... og kannski einhverjar þarna úti sem jarma yfir endalausri útþrá og rótleysi...

Jæja... drukk på kokkenet torsdag... og nú er torsdag... svo það er eins gott að láta sjá sig... annars eru strákarnir svo kvennmannslausir greyin... Raggan ætlar að kíkja líka svo kynjamunurinn nær að vera innann skekkjumarka... ef tekið er tillit til stöðu himintunglanna :)

P.S. setti inn fleiri snjómyndir... þær má finna hér

gledi gledi gledi

Jebbs, ekkert nema stødug gledi...

Hef latid fara afar vel um mig heima hja Snjolaugu og Peter en flyt a føstudaginn ef allt gengur eftir. Snjolaug og Peter eru her med titlud sem gull af folki og eg er theim afar thakklat fyrir skjolshusid og nyju, finu ibudina!!

Svo er bara ad koma ser i goda stemningu fyrir thorrablotid. Ylfa stendur sig vel i thvi og fær prik fyrir flott matarbod i gærkvøldi. Vonandi naum vid fordrykkjum a Ravnsborggade fyrir blotid svo ad vid getum øll farid samferda.....

Steinunn, eg skal svoleidis rusta ther i atkeppninni a laugardaginn!!!

Hehehehehehe.....