Mér finnst ég vera að bruna upp blindhæð alveg öfugu megin á götunni, án þess einu sinni að vita hvort það er hægri eða vinstri umferð... treysti bara á lukkuna en er dauðhrædd um að á móti mér komi fluttningabíll!!!!!!!!
Fór í mat til Lauru og kærasta hennar (Jost er nafnið borið fram en veit ekki hvernig á að skrifa það). Þarna sátum við og spjölluðum um daginn og vegin... jafnaldrar í svipaðri stöðu að reyna að skilja hið óskiljanlega... matarboðið fór fram á dönsku og ég lagði mig alla fram við að vera eðlileg á dönsku... frekar erfitt að vera eðlileg en það voru kartöflur í matinn svo það reyndist auðveldra... hahahahaha...
Vorum sammála í minimalismanum... veraldlegir hlutir ekkert svo spennandi og bílar bara munaður en alls ekki þarfaþing.... en minimalisk hugsun á líka við um lífsviðhorf, viðhorf sem er erfitt að útskýra, en ég held að það sé okkar kynslóðar hippaviðhorf... kannski ekki alveg eins mikill kraftur í okkur eins og í hippunum.... eða krafturinn er öðruvísi... barist við að falla ekki í gildru einsleits umhverfis og reynt af öllu afli að vera ekkert annað en þú sjálf... en það getur verið drulluerfitt...
Umræðan snérist yfir í gamla hippann sem býr í stærsta húsinu í götunni... sveik hann málstaðinn... eða er það óumflýjanlegt að sanka að sér steinsteypu á langri starfsævi... starfsævi sem snýst um að gera það sem þykir skemmtilegt... við urðum sammála um að eftir svona 20 ár ættum við eftir að hittast og tala um nýja húsið okkar og nýja bílinn og allt hitt nýja dótið.... því það er ekki endalaust hægt að eyða peningum í bjór og föt og ferðalög.... þannig er það nú....
LIFE IS WHAT HAPPENS WHEN YOU ARE BUSY MAKING OTHER PLANS!!!
Umræðan snérist yfir í öryggi/óöryggi... hvað það væri nú gott að eiga bara sína íbúð og hund og bíl... vakna, vinna, borða, sofa... dagskipulagið einfalt og eins alla daga... og svo þegar einhver spyr “og hvað á svo að gera, á morgun, eða hinn, í næsta mánuði, eða næsta ári” þá væri hægt að svara, “vakna, vinna, borða, sofa”... í frábæru vinnunni, fullkomu íbúðinni og borga matinn með gullkortinu...í stað þess að þurfa alltaf að segja “ég veit það ekki!!!!!!!!!!!!!!!!!!!”.
Við mundum öll eftir einhverjum stundum í barnæsku þar sem foreldrar okkar höfðu andað léttar þegar loksins komu mánaðarmót, hrísgjónagrautum í marga daga í röð, litlum/gömlum/slæmum híbýlum eða reikningum sem virtust aldrei hætta að streyma innum bréfalúguna á æskuheimilunum... og allt í einu áttuðum við okkur á að þó svo að við hefðum verið börn foreldra okkar þegar þau voru að ganga í gegnum 25-40 ára aldrinn ættum við það alveg eftir... nú væri komið að okkur að vera óörugga fullorðna fólkið... með allt niður um okkur... að reyna að læra hvernig á að klæða sig í buxur...
Við hlóum mikið, borðuðum mikið og prófuðum fjórar tegundir af bjór.... nýjasta trendið hér í DK er bjórsmökkun og lýsingarnar á bragði bjóranna einkennast oft af við hvaða aðstæður best er að drekka þá... þessi er svona meira engar áhyggjur sól úti sól inni bjór... á meðan þessi er þyngri og á betur við í rigningu þegar þvotturinn er orðin svo mikill að það þýðir ekkert að byrja og ískápurinn óþægilega tómur....
Seinasti bjórinn var carlsberg... sem er svona hygge sig sammen med nogle gode venner bjór... við skáluðum fyrir óvissu framtíðarinnar... og urðum sammála um að allt óöryggið yrði einfaldlega til þess að við myndum gefa aðeins meira af okkur til þess eins að lifa af... jafnvel koma okkur sjálfum á óvart og gera betur eða meira en víð annars trúðum að við gætum....
Að lokum bara varð ég að smakka eitthvað hollenskt kissuberja vín og við glöddumst yfir öllum “ég veit ekki svöruðum” og skáluðum fyrir að eiga þau ennþá þónokkur eftir... og svo hljóp ég til að reyna að ná seinustu lestinni.... sem varð að fyrsta næturstrædóinum... en þannig vill það nú oft vera þegar kona lifir bara í núinu ;)
Ég nú komin á 150 upp blindhæðina og veit ekki enn hvoru megin umferðin er... en það er eitthvað svo miklu skemmtilegra að vita að það eru fleiri að takast á við blindhæðir... og kannski verður það ekki fluttningabíll sem ég rekst á...heldur einhver sem er að gera það sama og ég... bara að fara í öfuga átt...
